काठमाडौं । सरकारले नागरिक लगानी कोषको कार्यकारी निर्देशकको छनौट तथा सिफारिसका लागि कार्यविधि तयार गरेको छ । जेठ १४ गते अर्थमन्त्रीस्तरको निर्णायानुसार गठित समितिले उक्त कार्यविधि तयार गरेको हो ।

उक्त कार्यविधि अनुरुप निर्देशक बन्नका लागि नेपाल सरकारको राजपत्राङ्कित प्रथम श्रेणी, नागरिक लगानी कोष वा नेपाल सरकारको सार्वजनिक संस्थानको अधिकृत प्रथम श्रेणी वा दशौँ तह वा संगठित संस्थाको कार्यकारी तहको पदमा अनुभव रहेको हुनुपर्ने छ ।

नेपाल सरकारको राजपत्राङ्कित प्रथम श्रेणी, नागरिक लगानी कोष वा नेपाल सरकारको सार्वजनिक संस्थानको अधिकृत प्रथम श्रेणी वा दशौँ तह वा संगठित संस्थाको कार्यकारी तहको पदमा कार्यानुभव भई नागरिक लगानी कोष ऐन, २०४७ को दफा ४२(१) अनुसार योग्यता पुगेको हुनुपर्ने छ ।

अर्थ मन्त्रालयसम्बद्ध सार्वजनिक निकायका पदाधिकारी तथा सदस्यको नियुक्ति र मनोनयन सम्बन्धी मापदण्ड, २०७३ को दफा ३ बमोजिम नियुक्तिका लागि योग्यता भएको र सोही मापदण्डको दफा ४ बमोजिम अयोग्य नरहेको हुनुपर्ने छ ।

[pdf_embed url=”https://beemadarpan.com/wp-content/uploads/2026/06/नागरिक-लगानी-कोषको-कार्यकारी-निर्देशकको-छनौट-तथा-सिफारिस-सम्बन्धी-कार्यविधि-२०८३_skhwmrb.pdf”]