काठमाडौं । साताको सेयर कारोबार हुने पहिलो दिन सेयर बजारमा दुई अंकको गिरावट आएको छ । गत साता ६ अंकले घटेको बजार आज भने २.२५ अंकले घटेको हो ।

आजको करोबार हुँदा बन्द हुँदा नेप्से परिसूचक २६४१.५८ विन्दुमा पुगेको छ । आज सेयर बजारमा २०१ कम्पनीको सेयर मूल्य घटेको छ भने ७२ वटा कम्पनीको सेयर मूल्य बढेको छ । आज ५ वटा कम्पनीको सेयर मूल्य स्थिर रहेको छ ।

आज सेन्सेटिभ इन्डेक्स पनि आज १.०८ अंकले घटेर ४६३.६४ विन्दुमा पुगेको छ । आज सेयर बजारमा १३ वटा उपसूचकमध्ये ८ वटाको सेयर मूल्य घटेको छ भने ५ वटाको बढेको छ ।

परिसूचक घटेको दिन साढे ५ अर्ब माथिको कारोबार भएको छ । आज सेयर बजारमा ३५० कम्पनीका १ करोड १९ लाख ३२ हजार ३५ कित्ता सेयर ५६ हजार ८१८ पटक खरिद बिक्री हुँदा ५ अर्ब ५२ करोड ५५ लाख ११ हजार ८७२ रुपैयाँको कारोबार भएको छ । आज सेयर बजारमा दुई कम्पनीको सेयर मूल्यमा सकारात्मक सर्किट लागेर कारोबार भएको छ ।