काठमाडौं । नेपाललाई अमेरिका विरुद्धको टि–ट्वान्टी सिरिज एक खेल अगावै जित्ने मौका छ । नेपालले टि–ट्वान्टी आई सिरिज एक खेल अगावै आफ्नो पक्षमा पार्ने सुनौलो अवसर रहेको हो ।

अमेरिकाको डालसमा रहेको ग्रान्ड प्रेरी स्टेडिममा हुने दोस्रो खेलमा नेपालले भालि बिहान ५ः४५ बजे सुरु हुने छ । नेपाल जितको लयलाई निरन्तरता दिदै सिरिज एक खेल अगावै जित्ने लक्ष्यका साथ मैदानमा उत्रने छ । अमेरिका खेलमा जित हात पार्दै सिरिजमा १–१ को बराबरी गर्ने योजनामा रहेको छ ।

पहिलो टि ट्वान्टी खेलमा ब्याटिङ र बलिङ दुवै पक्षमा सबल देखिएको नेपालले १७ रनको जित निकाल्दै ३ खेलको सिरिजमा १–० को अग्रता बनाएको छ । तेस्रो तथा अन्तिम टि ट्वान्टी सोमवार बिहान रहेको छ । यो टि ट्वान्टी सिरिज पछि अमेरिका ए सँग नेपालले ५० ओभरको अभ्यास खेल खेल्नेछ ।

कात्तिक ९ गतेबाट विश्व कप लिग टु अन्तर्गतको त्रिकोणात्मक सिरिज सुरु हुनेछ । त्रिकोणात्मक सिरिजमा घरेलु टोली अमेरिका, नेपाल र स्कटल्याण्डको सहभागिता रहनेछ ।