काठमाडौं । यो लाभांश घोषाण गर्ने सिजन हो । विभिन्न क्षेत्रका कम्पनीहरुले गत आर्थिक वर्षको मुनाफाबाट सेयरधनीलाई दिने लाभांश घोषणा गरिरहेका छन् । त्यस्तै कही कम्पनीले भने लाभांश वितरण समेत गरिसकेका छन् । केहीले भने लाभांश घोषणा गर्दै वार्षिक साधारणसभाको मिति घोषणा गरेका छन् ।

नेपाल स्टक एक्सचेन्ज (नेप्से) मा सूचीकृत रहेका ५० लघुवित्त संस्थाहरुमध्ये ८ वटा लघुवित्तले आफ्ना सेयरधनीका लागि वितरण गर्ने लाभांश घोषणा गरेका छन् । लघुवित्तहरुले नेपाल राष्ट्र बैंकको निर्देशिका बमोजिम आफ्ना सेयरधनीलाई लाभांश घोषणा गरेका हुन् । गत आर्थिक वर्ष २०८०/८१ मुनाफाबाट हालसम्म फस्ट माइक्रोफाइनान्स, नेशनल लघुवित्त, सर्पोट, आरएसडीसी, गुराँस, स्वालम्वन, आशा र फरवार्ड माइक्रोफाइनान्स लघुवित्त वित्तीय संस्थाले लाभांश घोषणा गरेका हुन् । बाँकी लघुवित्तले भने लाभांश घोषणा गर्न बाँकी रहेको छ ।

फर्स्ट माइक्रोफाइनान्स

फर्स्ट माइक्रोफाइनान्स लघुवित्त वित्तीय संस्था लिमिटेडले आफ्ना सेयरधनीहरूलाई ९.४७ प्रतिशत लाभांश वितरण गर्ने निर्णय गरेको छ । गत आवको वितरणयोग्य मुनाफाबाट हाल कायम चुक्ता पुँजीको ९ प्रतिशत बोनस सेयर र ०.४७ प्रतिशत नगद लाभांश (कर प्रयोजनार्थ) वितरण गर्ने निर्णय गरेको हो ।

नेशनल लघुवित्त

नेशनल लघुवित्तले १५ प्रतिशत लाभांश दिने घोषणा गरेको छ । कम्पनीले गत आवको मुनाफाबाट आफ्ना सेयरधनीलाई १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश दिने भएको हो ।

सपोर्ट लघुवित्त

सपोर्ट लघुवित्तले १४.५ प्रतिशत लाभांश दिने भएको छ । कम्पनीले १३.७७५ प्रतिशत बोनस सेयर र कर प्रयोजनार्थ ०.७२५ प्रतिशत नगद लाभांश दिने भएको हो ।

आशा लघुवित्त

आशा लघुवित्त वित्तीय संस्थाले गत आर्थिक वर्षको मुनाफाबाट आफ्ना शेयरधनीहरुलाई लाभांश प्रस्ताव गरेको छ । कम्पनीले हाल कायम रहेको चुक्तापूँजीको १४.२५ प्रतिशत बोनस र कर प्रयोजनका लागि ०.७५ प्रतिशन नगद लाभांशसहित १५ प्रतिशत लाभांश प्रस्ताव गरेको छ ।

आरएसडीसी लघुवित्त

आरएसडीसी लघुवित्तले पनि ९.५ प्रतिशत बोनस सेयर र कर प्रयोजनका लागि ०.५ प्रतिशत नगद लाभांश गरि कुल १० प्रतिशत लाभांश दिने घोषणा गरेको छ ।

गुराँस लघुवित्त

गुराँस लघुवित्तले आफ्ना सेयरधनीलाई १५ प्रतिशत लाभांश दिने भएको छ । कम्पनीले १४.२५ प्रतिशत बोनस र कर प्रयोजनका लागि ०.७५ प्रतिशत नगद लाभांश दिने भएको हो ।

स्वालम्वन लघुवित्त

स्वालम्वन लघुवित्तले पनि १४.७५ प्रतिशत बोनस सेयर र कर प्रयोजनका लागि ०.७५, आशा लघुवित्तले पनि १४.२५ प्रतिशत र कर प्रयोजनका लागि ०.७५ प्रतिशत नगद लाभांश दिने भएको छ ।

फरवार्ड लघुवित्त

फरवार्ड लघुवित्तले पनि १४ प्रतिशत लाभांश दिने भएको छ । यो वर्षका लागि कम्पनीले १३.३ प्रतिशत बोनस र कर प्रयोजनका लागि ०.७ प्रतिशत नगद लाभांश दिने भएको हो ।