काठमाडौं । इङलिस प्रिमियर लिग फुटबलमा म्यानचेस्टर सिटी ब्राइटनसँग पराजित भएको छ । गएराति सम्पन्न खेलमा ब्राइटनले म्यानचेस्टर सिटीलाई २–१ गोल अन्तरले पराजित गरेको हो ।

ब्राइटनको जितमा जोआओ पेड्रो र म्याट ओरिलेले एक एक गोल गरेका थिए । १–० गोलले पछि परेको ब्राइटनले दोस्रो हाफमा शानदार पुनरागमन गर्दै सिटीलाई स्तब्ध बनाएको हो । म्यानचेस्टर सिटीका लागि एक गोल इर्लिंग हालाण्डले गरेका थिए । जितपछि ब्राइटनको ११ खेलमा १९ अंक भएको छ र लिगमा चौथो स्थानमा उक्लिएको छ । त्यस्तै म्यानचेस्टर सिटीको भने ११ खेलमा २३ अंक भएको छ र लिगमा दोस्रो स्थानमा रहेको छ । सिटी शिर्ष स्थानमा रहेको लिभरपुलभन्दा ५ अंकले पछाडि रहेको छ ।

गए राति भएको अर्को खेलमा शीर्ष स्थानमा रहेको लिभरपुलले जित निकालेको छ । लिभरपुलले नयाँ प्रशिक्षक अर्ने स्लटको नेतृत्वमा लिगका ११ मध्ये ९ खेलमा जित निकालेको हो । डार्विन नुनेज र मोहमद सलाहको गोलको मद्दतमा लिभरपुलले शनिबार घरेलु मैदानमा एस्टन भिल्लामाथि २–० को नतिजा निकालेको हो ।

जुर्गेन क्लोपको स्थानमा नेदरल्यान्ड्सका पूर्वखेलाडी स्लट लिभरपुल सम्हाल्न आइपुगेका थिए । ‘क्लोज’ सिजनमा जिम्मेवारी सम्हालेका उनले सबै प्रतियोगिताका १७ मध्ये १५ खेल जित दिलाएका छन् । इङ्लिस प्रिमियर लिगमै पनि लिभरपुलले ११ खेलबाट २८ अंक पुर्‍याएको छ । यो साबिक सिटीभन्दा पाँच अंक बढी हो । भिल्लाको भने यो सिजन तेस्रो हार हो । १८ अंकका जोडेको भिल्ला आठौं स्थानमा झरेको छ ।