काठमाडौं । नेप्सेमा सूचीकृत तीन कम्पनीको साधारण सभा आज आयोजना हुदैछ । आज आशा लघुवित्त वित्तीय संस्था, मन्दाकिनी हाइड्रोपावर र रिडी पावर कम्पनीको साधारणसभा हुन लागेको हो ।

आशा लघुवित्तको साधारणसभा बनेपा–७, काभ्रेपलाञ्चोकमा दिउँसो ३ बजे बस्दैछ । सभामा १४.२५ प्रतिशत बोनस सेयर र ०.७५ प्रतिशत नगद लाभांश वितरण लगायतका प्रस्ताव पेश गरिनेछ । सभा प्रयोजनार्थ कम्पनीले कात्तिक २५ गते बुक क्लोज गरिसकेको छ ।

त्यस्तै मन्दाकिनी हाइड्रोपावरको साधारणसभा लाजिम्पाटस्थित नेपाली चुलो रेस्टुरेन्टमा बिहान ८ बजेदेखि सुरु भइसकेको छ । सभामा ५ प्रतिशत बोनस सेयर र ०.२६३२ प्रतिशत नगद लाभांशको प्रस्ताव पेश गरिनेछ । साथै बोनस सेयर वितरणपछि १ः१.२५ को अनुपातमा हकप्रद सेयर जारी गर्ने योजनालाई पनि सभाले निरन्तरता दिनेछ । यस कम्पनीले कात्तिक २८ गते बुक क्लोज गरिसकेको छ ।

त्यसैगरी रिडी पावर कम्पनीको साधारण सभा गौशालास्थित होटल क्रिस्टल पशुपतिमा बिहान ११ बजे बस्दैछ । यस कम्पनीले भने सभामा लाभांश सम्बन्धी कुनै प्रस्ताव समावेश गरेको छैन । सभा प्रयोजनका लागि यस कम्पनीले कात्तिक २९ गते बुक क्लोज गरिसकेको छ ।