काठमाडौं । सिद्धार्थ बैंक लिमिटेडले संस्थापक समूहको सेयर बिक्रीमा राखेको छ । बैंकले संस्थापक शेयरधनी लेखा राज्यलक्ष्मीको नाममा रहेको ८० हजार कित्ता सेयर बिक्रीमा राखेको हो ।

हाल उक्त सेयर बैंककै अन्य विद्यमान संस्थापक सेयरधनीहरूले मात्रै खरिद गर्न पाउछन् । सेयर खरिद गर्न इच्छुक संस्थापकले आफूले खरिद गर्न चाहेको सेयर विवरण खुलाई ३५ दिनभित्र आवेदन दिनु पर्नेछ । आवेदन काठमाडौंको नक्सालस्थित बैंकको कम्पनी सचिवको शाखामा बुझाउनु पर्नेछ ।

साथै तोकिएको म्यादभित्र संस्थापकबाट सेयर खरिदका लागि आवेदन प्राप्त नभएमा सो सेयर सर्वसाधारणमा बिक्री खुला गरिने बैंकले जनाएको छ ।