काठमाडौं । आगामी फागुन १६ र १७ गते काठमाडौंमा पाँचौ संस्करणको राष्ट्रिय श्रम तथा रोजगार सम्मेलन–२०८१ हुने भएको छ । श्रम रोजगार तथा सामाजिक सुरक्षा मन्त्रालयले आज पत्रकार सम्मेलन गरी सम्मेलनबारे जनकारी गराएको हो ।

रोजगार क्षेत्रमा देखिएका समस्या र चुनौतीको विश्लेषण गरी आगामी दिनमा चाल्नुपर्ने नीतिगत कदम र कानूनी परिमार्जनका लागि सुझाव लिने मुख्य उद्देश्यले सम्मेलन आयोजना हुन लागेको मन्त्रालयका सचिव मुकुन्द प्रसाद निरौलाले जानकारी दिए । यसमार्फत श्रम बजारले खोजेको जनशक्ति उत्पादनमा ध्यान दिइने सचिव निरौलाले बताए ।

मन्त्रालयकाअनुसार सम्मेलनमार्फत उत्पादन र उत्पादकत्व अभिवृद्धिका लागि आन्तरिक रोजगार प्रवद्र्धन दशकको रणनीतिक कार्ययोजना उपर पृष्ठपोषण लिइने मन्त्रालयका सचिव एवं प्रवक्ता डण्डुराज घिमिरेले बताए । नेपालको श्रम रोजगार क्षेत्रमा संकुचन आएकोले यसको समाधानका लागि सम्मेलनले महत्वपूर्ण भूमिका खेल्ने उनको दाबी छ । सरकारले यसअघि २०५४, २०६१, २०६९ र २०७६ सालमा राष्ट्रिय श्रम तथा रोजगार सम्मेलन गरेको थियो ।