काठमाडौं । भारतले इङ्गल्याण्ड विरुद्धको तेस्रो टि–२० क्रिकेट खेलमा जितका लागि १७२ रनको लक्ष्य पाएको छ । टस हारेर पहिले ब्याटिङ गरेको पाहुना टोलिले निर्धारित ओभरमा ९ विकेट गुमाएर १७१ रन बनाए पछि घरेलु टोलिले उक्त लक्ष्य पाएको हो ।

भ्रमणकारी टोलिका लागि बेन डकेटले सार्वधिक ५१ रनको पारी खेले । त्यस्तै लियाम लिभिङस्टोनले ४३ रनको योगदान दिए । त्यस्तै कप्ताना जस बटलरले पनि २४ रनको पारी खेले । त्यस्तै आदिल रसिदले १० रन बनाउनु बाहेक अन्य खेलाडीले दोहोरो अंकमा रन बनाउन सकेनन् ।

भारतका लागि वरुण चक्रवर्ती एक्लैले ५ विकेट लिए । त्यस्तै हार्दिक पाण्ड्याले २ विकेट लिए । रवि बिश्नोई र अक्षर पटेलले समान १–१ विकेट लिए । पाँच खेलको सिरिजमा भारत २–० ले अघि रहेको छ । यो खेलमा जित निकालेको खण्डमा भारत दुई खेल अगावै सिरिज जित्ने छ । पाहुना टोलिलाई सिरिजमा बनिराख्नका लागि आजको खेल जित्नै पर्ने बाध्यता रहेको छ ।