काठमाडौं । सानिमा क्यापिटलको सानिमा फ्लेक्सी फण्डको इकाईमा आवेदन दिने आज अन्तिम दिन रहेको छ । क्यापिटलले फागुन ६ गतेदेखि निष्कासन गरिरहेको सामूहिक लगानी कोष ‘सानिमा फ्लेक्सी फण्ड’को इकाई खरिदका लागि आवेदन दिने (आज) फागुन १५ गते अन्तिम दिन रहेको हो ।

यो फण्डको कुल आकार १ अर्ब रुपैयाँ बराबरको १० करोड इकाई रहेको छ। जसमध्येबाट ४ करोड इकाई प्रथम चरणमा निष्कासन भइरहेको छ भने यसबाट १ करोड ३० लाख इकाई कोष प्रबद्र्धक सानिमा बैंक र २० लाख इकाई सानिमा क्यापिटललाई सुरक्षित गरी बाँकी २ करोड ५० लाख सर्वसाधारणका लागि खुला गरिएको हो ।

यसमा आज बैंकिङ्ग समयसम्म मात्र आवेदन दिन सकिनेछ भने आवेदन दिँदा घटीमा १०० इकाई र बढीमा ४० लाख इकाईसम्म माग गर्न सकिने व्यवस्था रहेको छ।