काठमाडौं । यो साता नेपाली बजारमा सुनचाँदीको मूल्य घटेको छ । यो साता सुन तोलामा ५ हजार ७०० रुपैयाँ र चाँदी २५ रुपैयाँले घटेको हो ।
साताको पहिलो दिन अर्थात आइतबार प्रतितोला १ लाख ९० हजार ५०० रुपैयाँमा कारोबार भएको छापावाल सुन अन्तिम दिन शुक्रबार १ लाख ८४ हजार ८०० रुपैयाँमा कारोबार भएको छ । यो साताको सोमबार सुन तोलामा ३ हजार ७०० रुपैयाँ घटेर १ लाख ८६ हजार ८०० रुपैयाँमा कारोबार भएको थियो ।

त्यस्तै मंगलबार २ हजार रुपैयाँ घटेर १ लाख ८४ हजार ८०० रुपैयाँमा कारोबार भएको सुन, बुधबार ५०० रुपैयाँ बढेर १ लाख ८५ हजार ३०० रुपैयाँमा, बिहीबार ३ हजार ५०० रुपैयाँ घटेर १ लाख ८१ हजार ८०० रुपैयाँमा र शुक्रबार ३०० रुपैयाँ बढेर १ लाख ८४ हजार ८०० रुपैयाँमा कारोबार भएको थियो ।

अन्तरराष्ट्रिय बजारमा लगानीकर्तामा परेको सकारात्मक प्रभाव र विश्वव्यापी व्यापारमा देखिएको अनिश्चितता कम हुने संकेत देखिएतापनि अझै धेरै जोखिमहरु बाँकी नै रहनुका साथै अमेरिका र चीनबीच देखिएको व्यापार द्वन्द्व केही मत्थर भएतापनि आर्थिक बजारमा अन्योलता छाएकोले सुनको मूल्यमा उतारचढाव भइरहेको विश्लेषकहरुको भनाइ छ। यस साता चाँदीको मूल्य तोलामा २५ रुपैयाँ घटेको छ । आइतबार तोलाको १ हजार ९७० रुपैयाँमा कारोबार भएको चाँदी, शुक्रबार १ हजार ९४५ रुपैयाँमा कारोबार भएको छ ।