काठमाडौं । भारतले इङ्ग्ल्यान्डसँगको ५ टेस्टको सिरिजमा १–१ को बराबरी गरेको छ। दोस्रो टेस्टमा आइतवार पाहुना टोलीले ३३६ जित निकाल्दै सिरिजलाई बराबरी पुर्याएको हो ।

पाँचौ तथा अन्तिम दिन जेमी स्मिथले साहसिक प्रतिकार गरे पनि भारतका बलरले इङ्ग्ल्यान्डलाई दोस्रो इनिङमा २७१ रनमा अल आउट गरेका थिए । घरेलु टोली इङ्ल्यान्डले ६ सय ८ रनको विशाल लक्ष्य तर्फ आक्रामक रुपमा प्रस्तुत नभई खेल बराबरीमा टुंग्याउने रणनीतिमा देखिएको थियो । तर त्यो सफल हुने सकेन । ३ विकेटको नोक्सानीमा ७२ रनबाट इङ्ग्ल्यान्डले अन्तिम दिनको खेल अघि बढाएको थियो ।
भारतीय सिमर आकाश दीपले ओली पोपलाई तेस्रो ओभरमै र ह्यारी ब्रुकलाई २३ रनमा आउट गरे । लञ्चअघि अन्तिम ओभरमा बेन स्टोक्स आउट भएपछि टोली दबाबमा पर्यो । त्यसपछि विकेटकिपर स्मिथले धर्यतापूर्वक ब्याटिङ गरे । पहिलो इनिङमा अविजित १८४ रनका स्मिथले दोस्रो इनिङमा ८८ रन बनाए। आकाशले आफ्नो आठौं टेस्टमा पहिलोपटक ५ विकेट लिने सफलता हासिल गरे।

आकाशले ब्राइडन कार्सलाई आउट गर्दै ६–९९ को प्रदर्शनसहित खेलमा १० विकेट लिए । पहिलो टेस्टमा इङ्ल्यान्डको प्रभावशाली जितपछि भारतको संभावना माथि शंका गरिँदै थियो। तर अब भारतले एजबास्टनमा नवौँ प्रयासमा पहिलो टेस्ट जित हात पार्‍यो । कप्तान शुभमन गिलको दोहोरो शतकसहित भारतले पहिलो इनिङमा ५८७ बनाएको थियो । गिलको शतकमा ६ विकेटको नोक्सानीमा ४२७ रन बनाउँदै भारतले इनिङ समाप्तिको घोषणा गरेको थियो। इङ्ग्ल्याण्डले पहिलो इनिङमा ४०७ रन बनाएको थियो। तेस्रो टेस्ट बिहीवार लड्र्समा सुरु हुनेछ ।