काठमाडौं । पूर्वराष्ट्रपति विद्या भण्डारीले आफ्नो सदस्याता कसैले पनि खोस्न नसक्ने बताएकी छिन् । आज पत्रकार सम्मेलन गर्दै उनले आफू एमालेको राजनीति गरेर नै राष्ट्रपति भएकाले अहिले बखेडा झिक्न नहुने बताएकी हुन् ।

उनले आफूलाई मदन भण्डारीले सदस्यता दिएकाले कसैले खोस्न नसक्ने बताएकी हुन् । ‘मलाइ जननेता मदन भण्डारीले सदस्यता दिनु भएको हो । उहाँले विराटनगरमा दिएको सदस्यता अहिले कसैले चाहेर पनि खोस्न सक्दैन,’ उनले भनिन् ।

त्यस्तै उनले आफू राजनीतिक व्यक्ति भएकाले नै राष्ट्रपति भएको र राष्ट्रपतिको जिम्मेवारी पूरा गरि राजनीतिक दलमा नै आबद्ध भइ देश र जनताको सेवा गर्ने संकल्प गर्नु कुनै अनौठो विषय नभएको दाबी गरिन् ।