काठमाडौं । नाडा अटोमोबाइल्स एसोसिएसन अफ नेपालले विधान संशोधन गरी संस्थालाई महासंघमा रूपान्तरण गर्ने प्रस्ताव पारित गर्न विशेष साधारण सभा आह्वान गरेको छ । नाडाको २१औं केन्द्रीय कार्यसमितिको भदौ ८ गते बसेको बैठकले यो निर्णय गरेको हो ।

विशेष साधारण सभा भदौ २४ गते मंगलबार बिहान ११ बजे ललितपुरको द प्लाजा, झम्सिखेलमा हुनेछ । लामो समयदेखि नाडालाई राष्ट्रिय स्तरको संस्था बनाउने सदस्यहरूको चाहनालाई मूर्तरूप दिन यो निर्णय गरिएको नाडाले जनाएको छ ।

विधान संशोधनको यो ऐतिहासिक निर्णयलाई कार्यान्वयनमा ल्याउन सबै सदस्यहरूको उपस्थिति निर्णायक हुने भन्दै नाडाले हार्दिक अनुरोध गरेको छ । यस कदमले आफ्ना सदस्यहरूको हकहितको संरक्षणमा समेत सहयोग पुग्ने विश्वास नाडाले लिएको छ ।