काठमाडौं । नेपाल स्टक एक्सचेञ्ज (नेप्से) १२.०३ अकंले बढेर २७६१.८६ बिन्दुमा कायम भएको छ । आज ३२६ कम्पनीको १ करोड १४ लाख ४० हजार कित्ता सेयर किनबेच हुँदा ५ अर्ब १० करोड ५७ लाख रुपैयाँको कारोबार भएको हो ।

यसदिन ११ वटा उपसूचकमा सुधार देखिएको छ । आज वाणिज्य बैंक समूहको १.६२ प्रतिशत, विकास बैंक समूहको ०.७५ प्रतिशत, फाइनान्स समूूहको ०.१९ प्रतिशत, होटल तथा पर्यटन समूहको ०.६३ प्रतिशत, इन्भेष्टमेन्ट समूहको ०.१७ प्रतिशतले सेयर मूल्य बढेको छ ।

सोमबार १४२ कम्पनीको सेयर मूल्य बढेको छ भने १०६ कम्पनीको घटेको छ । आज सबैभन्दा धेरै नेपाल पुनर्बीमा कम्पनीको सेयर कारोबार भएको छ । कम्पनीको २८ करोड ८ लाख रुपैयाँको सेयर कारोबार भएको छ । एभरेष्ट बैंकको २४ करोड ४४ लाख रुपैयाँको सेयर कारोबार भएको छ ।

हिमालयन डिष्टिलरीको २१ करोड ८१ लाख रुपैयाँको सेयर कारोबार भएको छ । आज सबैभन्दा धेरै हिम स्टार ऊर्जाका लगानीका लगानीकर्ताले कमाएका छन् । आज यस कम्पनीका लगानीकर्ताले ६.०७ प्रतिशतका दरले कमाएका छन् ।आज सबैभन्दा धेरै उन्नती सहकार्य लघुवित्तका लगानीकर्ताले गुमाएका छन् । आज यस कम्पनीका लगानकिर्ताले ७.६८ प्रतिशतका दरले गुमाएका हुन् ।