काठमाडौं । शुक्रबार नेपाली बजारमा सुनको मूल्यले फेरि नयाँ रेकर्ड कायम गरेको छ । अघिल्लो दिन घटेको सुनको मूल्य आज तोलामा १ हजार ६०० रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुन तोलामा २ लाख १५ हजार ८०० रुपैयाँमा कारोबार भइरहेको छ । अघिल्लो दिन सुन तोलाको २ लाख १४ हजार २०० रुपैयाँमा कारोबार भएको थियो ।

चाँदीको मूल्य पनि आज हालसम्मकै उच्च विन्दुमा पुगेको छ । आज चाँदी तोलाको २ हजार २६५ रुपैयाँ पुगेको छ । यो अघिल्लो दिनको भन्दा ६० रुपैयाँले महंगो हो । अघिल्लो दिन चाँदीको मूल्य तोलामा २ हजार ५०५ रुपैयाँमा कारोबार भएको थियो ।