काठमाडौं । नेपाल पुनर्बीमा कम्पनी (नेपाल रि) ले जारी गर्न लागेको हकप्रद सेयर रोक्न अर्थमन्त्रालयले निर्देशन दिएको छ । कम्पनीले जारी गर्न लागेको शतप्रतिशत हकप्रद तत्काल स्थगित गर्न अर्थमन्त्रालयले निर्देशन दिएको हो ।

अर्थमन्त्रालय स्रोतका अनुसार हिजो पुनर्बीमा कम्पनीलाई शतप्रतिशत हकप्रद निष्काशन गर्ने कार्य रोक्न निर्देशन दिइएको हो । कम्पनीले बीमा प्राधिकरणले तोकेको २० अर्ब चुक्ता पुँजी पुर्याउने उद्देश्यले शतप्रतिशत हकप्रद सेयर जारी गर्ने निर्णय गरेको थियो ।

नेपाल पुनर्बीमा कम्पनीको कूल चुक्ता पुँजी १३ अर्ब ४२ करोड रुपैयाँ रहेको छ ।