काठमाडौं । साताको सेयर कारोबार हुने तेस्रो दिन मंगलबार नेप्से परिसूचक उच्च अंकले घटेर बन्द भएको छ । अघिल्लो दिन पनि घटेको बजार आज २७.६४ अंकले घटेर बन्द भएको हो ।

आजको कारोबार बन्द हुँदा परिसूचक १.०५ प्रतिशतले घटेर २५९५.२४ विन्दुमा पुगेको छ । आज सेयर बजारमा २१३ कम्पनीको सेयर मूल्य घटेको छ भने ३३ कम्पनीको मात्रै बढेको छ । ३ कम्पनीको सेयर मूल्य आज स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ३.९३ अंकले घटेर ४५२.४६ विन्दुमा पुगेको छ । त्यस्तै आज १३ वटै उपसूचकको सेयर मूल्य घटेको छ ।

परिसूचकसँगै कारोबार रकममा पनि गिरावट आएको छ । अघिल्लो दिन ६ अर्ब माथिको कारोबार भएको बजारमा आज ५ अर्ब भन्दा बढीको मात्रै कारोबार भएको छ । आज सेयर बजारमा ३२२ कम्पनीका १ करोड ३ लाख ४३ हजार ८९८ कित्ता सेयर ४६ हजार ८७५ पटक खरिद बिक्री हुँदा ५ अर्ब १५ करोड ७ लाख ६८ हजार ९३८ रुपैयाँ बराबरको कारोबार भएको छ ।

आज सेयर बजारमा एउटा कम्पनीमा समारात्मक सर्किट लागेर कारोबार बन्द भएको छ भने एउटा कम्पनीमा नकारात्मक सर्किट लागेर कारोबार भएको छ ।