काठमाडौं । प्रभु बैंकको नाफामा गिरावट आएको छ । चालु आर्थिक वर्षको पहिलो त्रैमाससम्मको वित्तीय विवरण बैंक मुनाफा ५५ करोड ८४ लाख ८३ हजार रुपैयाँ रहेको हो ।

तर गत वर्ष बैंकले १ अर्ब ४ करोड ६ लाख रुपैयाँ नाफा कमाएको थियो । बैंकको वितरणयोग्य नाफा  भने ३ करोड ४७ लाख रुपैयाँबाट बढेर ४० करोड ६० लाख रुपैयाँ पुगेको छ । बैंकको खुद ब्याज आम्दानीमा भने सुधार देखिएको छ । तीन महिनामा बैंकको खुद ब्याज आम्दानी १०.१४ प्रतिशतले बढेर २ अर्ब ८९ करोड ५२ लाख ७६ हजार रुपैयाँ पुगेको छ । गत आर्थिक वर्षको सोहि अवधिमा बैंकको उक्त आम्दानी २ अर्ब ६२ करोड ८६ लाख रुपैयाँ रहेको थियो ।

बैंकको सञ्चालन नाफा १ अर्ब १७ करोड २० लाख रुपैयाँ रहेको छ । जुन गत आर्थिक वर्षको सोहि अवधिको तुलनामा १६.५१ प्रतिशतले कम हो । गत आर्थिक वर्षको सोहि अवधिमा बैंकको सञ्चालन नाफा १ अर्ब ४० करोड ३९ लाख रुपैयाँ रहेको थियो ।
बैंकको चुक्तापुँजी २३ अर्ब ५४ करोड २४ लाख रुपैयाँ रहेको छ । जगेडा कोषमा ४० करोड ६० लाख रुपैयाँ रहेको छ । बैंकको खराब कर्जा ५.७८ प्रतिशतमा आइपुगेको छ । असोज मसान्तसम्मको अवधिमा बैंकको प्रतिसेयर आम्दानी ९.४९ रुपैयाँ रहेको छ ।