काठमाडौं । नेपाली बजारमा आज पनि सुनचाँदीको मूल्य घटेको छ । आज सुन तोलाको ३ हजार ८०० रुपैयाँ र चाँदी ६५ रुपैयाँले घटेको हो ।

नेपाल सुनचाँदी ब्यवसायी महासंघका अनुसार आज सुन प्रतितोला २ लाख ३९ हजार ५०० रुपैयाँ कायम भएको छ । अघिल्लो दिन सुन तोलाको २ लाख ४३ हजार ३०० रुपैयाँमा कारोबार भएको थियो ।

त्यस्तै आज चाँदीको मूल्य तोलामा ६५ रुपैयाँले घटेर प्रतितोला ३ हजार ९० रुपैयाँ पुगेको छ । अघिल्लो दिन चाँदी तोलाको ३ हजार १५५ रुपैयाँमा कारोबार भएको थियो ।