काठमाडौं । नेपाल प्रिमियर लिगको बिहीबारको पहिलो खेलमा काठमाडौं गोर्खाजले पोखरा एभेन्जर्सलाई जितका लागि १६६ रनको लक्ष्य दिएको छ । भीम सार्की र वेन चाल्सवर्थको अर्धशतक सहयोगमा काठमाडौं गोखार्जले पोखरा सामु जितका लागि १६६ रनको चुनौति दिएको हो ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको काठमाडौले निर्धारित २० ओभरमा ८ विकेटको क्षतिमा १६५ रन रन बनायो । काठमाडौंका लागि ओपनर वेनले ६४ रनको सर्वाधिक योगदान दिए । त्यसतै भीम सार्की  ५५ रनको योगदान दिए । त्यस्तै मिलिन्द कुमारले १३ रन बनाउँदा अन्यले दोहोरो अंकमा रन बनाउन सकेनन् ।

पोखराका लागि धनन्जय लक्षणले सर्वाधिक ४ विकेट लिए । कुशल भुर्तेलले २ विकेट लिए । किरण ठगुन्नाले एक विकेट आफ्नो नाममा गरे ।