काठमाडौं । साताको सेयर कारोबार हुने पहिलो दिन आइतबार नेप्से परिसूचक दोहोरो अंकले घटेको छ । आजको कारोबार हुँदा नेप्से परिसूचक १०.२९ अंकले घटेर २६१०.६३ विन्दुमा पुगेको हो ।

आजको सेयर बजारमा १७१ कम्पनीको सेयर मूल्य घटेको छ भने ७९ कम्पनीको बढेको छ । त्यस्तै आज ९ कम्पनीको सेयर मूल्य स्थिर रहेको छ । आजको प्रि ओपन सेसनमा सेन्सेटिभ इन्डेक्स पनि ३.२२ अंकले बढेर ४५१.०७ विन्दुमा पुगेको छ । आज १३ उपसूचकमध्ये १० वटाको सेयर मूल्य घटेको छ भने ३ वटाको बढेको छ ।

परिसूचक घटेको दिन कारोबार रकम ५ अर्ब माथिको भएको छ । आज सेयर बजारमा ३२३ कम्पनीका १ करोड २ लाख ७४ हजार १२६ कित्ता सेयर ७९ हजार ७०२ पटक खरिद बिक्री हुँदा ५ अर्ब १ करोड ७५ लाख ८७ हजार २९४ रुपैयाँको कारोबार भएको छ । आज सेयर बजारमा २ कम्पनीको सेयर मूल्यमा सकारात्मक सर्किट लागेको छ ।