काठमाडौं । नेकपा एमालेका अध्यक्ष केपी शर्मा ओलीले अराजकता लामो समय टिक्ने नहुने बताउँदै आपराधिक गतिविधिमा संलग्न व्यक्तिहरू कारबाहीको दायरामा ल्याउनुपर्ने बताएका छन्। बिहीबार झापाको दमक–८ मा जेनजी आन्दोलनको क्रममा क्षतिग्रस्त कम्युनिस्ट नेता गगन पुरीको घरको अवलोकन गर्ने क्रममा उनले यस्तो प्रतिक्रिया दिएका हुन्।

विध्वंश मच्चाउनेहरु कानुनी दायरामा आउने उनको भनाइ छ । ओलीले भने,’‘सधैं अराजकता कहाँ टिक्छ र, एक दिन त कारबाहीको दायरामा ल्याएरै छोडिन्छ नि, बरु उजुरी–निवेदन लगायतको प्रकृया चाँहि अघि बढाउनु होला । अराजकताको आयु लामो हुँदैन नि ।’