काठमाडौं । आइसिएफसि फाइनान्स लिमिटेडलाई ऋणपत्र (डिबेन्चर) निष्काशन गर्न नेपाल धितोपत्र बोर्डले माघ २१ गते अनुमति दिएको छ । बोर्डले कम्पनीलाई ७ वर्षे अवधिको ८ प्रतिशत ब्याजदर भएको “८% आइ.सि.एफ.सी. फाइनान्स लिमिटेड डिबेन्चर २०८९” निष्काशन गर्न स्वीकृति दिएको हो ।

यस अन्तर्गत प्रतिकित्ता १ हजार मूल्यका दरले कुल ५ लाख कित्ता ऋणपत्र निष्काशनमा आउनेछ । निष्काशनमा आउने कुल ५ लाख कित्तामध्ये ३ लाख कित्ता व्यक्तिगत तवरबाट बिक्री गरिनेछ भने बाँकी २ लाख कित्ता सार्वजनिक निष्काशन गरिनेछ । कम्पनीको निष्काशन तथा बिक्री प्रबन्धकमा कुमारी क्यापिटल लिमिटेड रहेको छ ।