काठमाडौं । आईसीसी टी–२० विश्वकप २०२६ अन्तर्गत समूह चरणको तेस्रो खेल नेपालले आइतबार (आज) वेस्ट इन्डिजसँग खेल्दैछ । सो खेल मुम्बईस्थित वानखेडे स्टेडियममा नेपाली समयअनुसार बिहान सवा ११ बजेदेखि सुरु हुनेछ ।

लगातार रुपमा दुई खेल हारेको नेपालले यस खेलमा जित्नै पर्ने दबाब छ । आजको खेलमा वेस्ट इन्डिजसँग पराजित भएमा नेपाल समूह चरणबाट नै बाहिरिनेछ । वेस्ट इन्डिजले भने समूह चरणका दुई खेल जितिसकेको छ । ४ अंक सहित अंक तालिकाको शीर्ष स्थानमा रहेको वेस्ट इन्डिजले आज पनि जित निकालेमा सुपर ८ मा पुग्नेछ ।