काठमाडौं । अदालतले नेपाल उद्योग वाणिज्य महासंघ (एफएनसीसीआई)को आगामी वार्षिक साधारण सभा नगराउन निर्देशन दिइएको छ । उच्च अदालत पाटनले बिहीबार महासंघको यही चैत २९ र ३० मा हुन लागेको ६० औं वार्षिक साधारण सभा तत्काल नगराउनका लागि निर्देशन दिएको हो ।

अदालतले नेपाल पेट्रोलियम ढुवानी व्यवसायी महासंघ, काठमाडौंले दायर गरेको रिटमा आदेश जारी गर्दै उक्त निर्देशन दिएको हो । पेट्रोलियम ढुवानी व्यवसायी महासंघले उद्योग वाणिज्य महासंघलाई विपक्षी बनाई रिट दायर गरेको थियो । अदालतले उक्त रिटमा फैसला गर्दै महासंघको साधारण सभा हुँदा निवेदकहरुलाई हर गर्ने हुँदा अर्को निर्णय नभएसम्म संस्थाको अर्थात् उद्योग वाणिज्य महासंघको साधारणसभा नगर्नु, नगराउनु भनि अन्तरिम आदेश जारी गरेको हो ।