काठमाडौं । आइएमई लाइफ इन्स्योरेन्स कम्पनी लिमिटेडको संस्थापक सेयरधनी समूहबाट प्रतिनिधित्व गर्ने चार जना सञ्चालकहरूको पदावधि थप गरिएको छ । कम्पनीको सञ्चालक समितिको वैशाख ७ गते बसेको बैठकले डा. रामहरि अर्याल, उषा ढकाल, सिताराम थापा र संदीप अग्रवालको पदावधि आगामी वार्षिक साधारणसभा नभएसम्मका लागि थप गर्ने निर्णय गरेको हो ।

चारै जना सञ्चालकहरूको पदावधि यही वैशाख १३ गते समाप्त हुने भएकोले आगामी साधारणसभा नभएसम्म सञ्चालक पदमा निरन्तरता दिने निर्णय भएको हो। साथै हाल कायम रहेको सञ्चालक समितिको संरचना बमोजिम डा. रामहरि अर्याललाई नै सञ्चालक समितिको अध्यक्षमा निरन्तरता दिइने पनि कम्पनीले स्पष्ट पारेको छ ।