काठमाडौं । साताको सेयर कारोबार हुने अन्तिम दिन नेप्से परिसूचक झिनो अंकले बढेर बन्द भएको छ । अघिल्ला चार दिन घटेको बजार आज भने १.५४ अंकले बढेर कारोबार भएको हो ।

आजको कारोबार पछि सेयर बजार परिसूचक २७८८.७० विन्दुमा पुगेको हो । आज सेयर बजारमा १६८ कम्पनीको सेयर मूल्य घटेको छ भने ८७ कम्पनीको सेयर मूल्य बढेको छ । आज १४ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स भने ०.२० अंकले घटेर ४८६.०७ विन्दुमा पुगेको छ । आज १३ उपसूचकमध्ये ७ वटाको सेयर मूल्य घटेको छ भने ६ वटाको सेयर मूल्य बढेको छ ।

परिसूचक सामान्य बढेको दिन सेयर बजारमा ५ अर्ब माथिको कारोबार भएको छ । आज ३५१ कम्पनीका १ करोड २१ लाख ७४ हजार ५१६ कित्ता सेयर ७५ हजार २२९ पटक किनबेच हुँदा ५ अर्ब २७ करोड ३ लाख ९९ हजार ७२७ रुपैयाँको कारोबार भएको छ । आज सेयर बजारमा तीन कम्पनीको सेयर मूल्यमा सकारात्मक सर्किट लागेर कारोबार भएको छ ।