काठमाडौं । हिमालयन बैंक लिमिटेडले १० वर्षदेखि शून्य मौज्दात भई चल्ती नभएका खाताहरू बन्द गर्ने भएको छ । बैंकले लामो समयदेखि निष्क्रिय रहेका खाताका निक्षेपकर्ताहरूलाई आफ्नो रकम दावी गर्न पनि आग्रह गरेको छ ।

बैंक तथा वित्तीय संस्था सम्बन्धी ऐन, २०७३ तथा नेपाल राष्ट्र बैंक को एकीकृत निर्देशन २०८२ अनुसार १० वर्षदेखि शून्य मौज्दात रही चल्ती नभएका खाताहरू बन्द गरिने बैंकले जनाएको छ । साथै सोही अवधिसम्म चल्ती नभएका वा हकदाबी नपरेका खाताका निक्षेपकर्ताहरूलाई आवश्यक प्रक्रिया पूरा गरी रकम लिन बैंकमा सम्पर्क गर्न आग्रह गरिएको छ । बैंकका अनुसार २० वर्षसम्म पनि कसैले दावी नगरेको निक्षेप रकम भने नेपाल राष्ट्र बैंक अन्तर्गत रहेको ‘बैंकिङ विकास कोष’मा जम्मा गरिनेछ ।