काठमाडौं । साताको सेयर कारोबार हुने पहिलो दिन नेप्से परिसूच दोहोरो अंकले बढेको छ । सरकारले नीति तथा कार्यक्रम सार्वजनिक गर्ने दिने सेयर बजार परिसूचक ३८.१९ अंकले बढेको हो ।

आजको कारोबार बन्द हुँदा परिसूचक २७८३.८५ विन्दुमा पुगेको छ । यो अघिल्लो कारोबार भन्दा १.३९ प्रतिशतले धेरै हो । आज सेयर बजारमा २४७ कम्पनीको सेयर मूल्य बढेको छ भने १८ कम्पनीको सेयर मूल्य घटेको छ । आज ४ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि ६.०८ अंकले बढेर ४७३.४१ विन्दुमा पुगेको छ । आज सेयर बजारका सबै १३ वटै उपसूचकको सेयर मूल्य बढेको छ ।

परिसूचक बढेको दिन बजारमा साढे ४ अर्ब माथिको कारोबार भएको छ । आज ३३२ कम्पनीका १ करोड ४ लाख ३९ हजार ४३२ कित्ता सेयर ६८ हजार ४४४ पटक खरिद बिक्री हुँदा ४ अर्ब ६१ करोड ३५ लाख ६३ हजार ६३५ रुपैयाँ बराबरको कारोबार भएको छ ।