काठमाडौं । बुद्धभूमि नेपाल हाइड्रोपावर कम्पनी लिमिटेडले अवितरित हकप्रद सेयर लिलामी प्रक्रिया मार्फत् बिक्रीमा राखेको छ । कम्पनीले १ः१ को अनुपातमा हकप्रद सेयर खुलाउँदा बाँकी बसेको अवितरित सेयर बिक्रीमा राखेको हो ।

यस अन्तर्गत कम्पनीले ४ लाख ७४ हजार ६९६ कित्ता साधारण सेयर लिलामीमा राखेको छ । यसमा जेठ २१ गतेदेखि जेठ २९ गतेसम्म गोप्य शिलबन्दी बोलपत्र पेश गर्न सकिनेछ । यसमा इच्छुक हरकोही व्यक्ति वा संघसंस्थाले सेयर खरीदका लागि बोलपत्र पेश गर्न सक्नेछन्।
सेयर खरीद गर्नका लागि बोलपत्र पेश गर्दा न्यूनतम १०० कित्ता र अधिकतममा सम्पूर्ण कित्ता माग गर्न सकिनेछ ।

सेयरको बिक्री मूल्य प्रतिकित्ता १०० रुपैयाँ तोकिएको छ । बोलपत्र फाराम काठमाडौंको थापाथलीस्थित एनआईसी एशिया क्यापिटल लिमिटेड (बिक्री प्रबन्धक) का साथै एनआईसी एशिया बैंकका शाखा कार्यालयहरू – विराटनगर–३ मोरङ, आदर्शनगर वीरगञ्ज, महेन्द्रपुल पोखरा, श्रवणपथ बुटवल, हस्पिटल लाइन धनगढी, वीरेन्द्रनगर सुर्खेत, पञ्चकन्या नुवाकोट, त्रिशुली नुवाकोट, नारायणगढ चितवन र नेपालगञ्ज बाँकेमा प्राप्त गर्न र बुझाउन सकिनेछ ।