काठमाडौं । राजस्थान रोयल्सले इन्डियन प्रिमियर लिग (आईपीएल)को दोस्रो क्वालिफायरमा प्रवेश गरेको छ । बुधबार न्यु चन्द्रिगढमा भएको इलिमिनेटर खेलमा सनराइजर्स हैदरावादलाई ४७ रनले हराउँदै राजस्थानले दोस्रो क्वालिफायरमा स्थान बनाएको हो ।

अब फाइन प्रवेशका लागि राजस्थानले गुजरात टाइटन्ससँग खेल्ने छ । राजस्थानले दिएको २४४ रनको लक्ष्य पछ्याएको हैदरावाद १९ ओभर २ बलमा १९६ रन मात्रै बनाउन सक्यो । उसका लागि नितेश कुमार रेड्डीले सर्वाधिक ३८ रनको पारी खेले । त्यस्तै सलिल आरोराले ३५ रन बनाए भने इशन किसनले ३३ रनको पारी खेले । हैदराबादलाई लक्ष्यमा पुग्नबाट रोक्ने क्रममा जोफ्रा आचरले ३ विकेट लिए । त्यस्तै सुशान्त मिश्रा, नान्द्रे बर्गर र रविन्द्र जडेजाले समान २/२ विकेट लिए ।

यस अघि टस हारेर पहिला ब्याटिङ गरेको राजस्थानले ८ विकेट गुमाएर २४३ रन बनाएको थियो । राजस्थानका लागि वैभव सूर्यवंशीले २९ बलमै ९७ रन बनाए । ध्रुव जुरेलले २१ बलमा ५० रन बनाए भने यशश्वी जैसवालले २९ र कप्तान रियान परागले २६ रन बनाए । हैदराबादका लागि प्रफुल्ल हिङ्गेले ३ विकेट लिए ।

अब राजस्थानले फाइनल प्रवेशका लागि गुजरात टाइटन्ससँग प्रतिस्पर्धा गर्नेछ । खेल भोलि बेलुका पौने ८ बजे न्यु चन्द्रिगढमा हुनेछ । पराजित हैदरावाद भने प्रतियोगिताबाट बाहिरिएको छ ।