काठमाडौं । बैंकिङ कसुर मुद्दाका फरार प्रतिवादी काठमाडाैंकाट पक्राउ परेका छन् । नेपाल प्रहरीको केन्द्रीय समाचार कक्षका अनुसार कागेश्वरी मनोहरा नगरपालिका–९ बस्ने धादिङ नीलकण्ठ नगरपालिका–८ रामकोटका बाबुराम श्रेष्ठलाई प्रहरीले पक्राउ गरेको छ ।

जिल्ला अदालत काठमाडौंको ४ फागुन २०८१ को फैसलाले उक्त मुद्दामा बिगोबापत दुई वर्ष कैद सजाय सुनाएका श्रेष्ठ फरार थिए । काठमाडौं उपत्यका अपराध अनुसन्धान कार्यालयकाे टोलीले उनलाई काठमाडौं महानगरपालिका–२७ महाबौद्धबाट पक्राउ गरेको हो । उनलाई फैसला कार्यान्वयनका लागि जिल्ला अदालत काठमाडौंमा पेस गरिएको छ ।