काठमाडौं ।  बिहीबार सेयर बजारमा दोहोरो सुधार देखिएको छ । अघिल्लो दिन उच्च अंकले घटेको नेप्से परिसूचक आज भने करिब १२ अंकले बढेको हो ।

आजको कारोबार बन्द हुँदा नेप्से परिसूचक ११.९३ अंकले बढेर २६२४.३६ विन्दुमा पुगेको छ । आज सेयर बजारमा १७७ कम्पनीको सेयर मूल्य बढेको छ । त्यस्तै ८५ कम्पनीको सेयर मूल्य घटेको छ । आज १६ कम्पनीको सेयर मूल्य स्थिर रहेको छ ।

त्यस्तै आज सेन्सेटिभ इन्डेक्स पनि २.०७ अंकले बढेर ४६५.७५ विन्दुमा पुगेको छ । आज सेयर बजारका १३ उपसूचकमध्ये ११ वटाको सेयर मूल्य बढेको छ भने २ वटाको घटेको छ । परिसूचक बढेको दिन बजारमा करिब साढे ५ अर्बको कारोबार भएको छ ।

आज ३३९ कम्पनीका १ करोड ३६ लाख १० हजार ४९६ कित्ता सेयर ५१ हजार ७२८ पटक खरिद बिक्री हुँदा ५ अर्ब ४९ करोड ९३ लाख १६ हजार ६४३ रुपैयाँको कारोबार भएको छ ।