काठमाडौं । सार्वजनिक ऋण व्यवस्थापन कार्यालयले बिहीबार २५ अर्ब ३३ करोडको ट्रेजरी बिल सार्वजनिक गरेको छ । आन्तरिक ऋण उठाउने उद्देश्ले जारी गरेको उक्त रकम बराबरको ट्रेजरी बिलमा बैंकहरुले प्रतिस्पर्धा गर्ने भएका छन् । कर्जा लगानी गर्न नसक्दा आन्तरिक ऋण उठाउने प्रयोजनका लागि सरकारले जारी गरेको ट्रेजरी बिलमा बैंकहरुले प्रतिस्पर्धा गर्न लागेको हुन् ।

सार्वजनिक ऋण व्यवस्थापन कार्यालयले बिहीबार २५ अर्ब ५३ करोडको ट्रेजरी बिल सार्वजनिक गरेको छ । ५ अर्बको नयाँ र २० अर्ब ५३ करोडको नविकरण गर्न लागिएको कार्यालयले जनाएको छ । आन्तरिक ऋण उठाउने उद्देश्ले जारी गरेको उक्त रकम बराबरको ट्रेजरी बिलमा नेपाल राष्ट्र बैंकबाट इजाजत प्राप्त क, ख र ग वर्गका बैंक तथा वित्तीय संस्थाहरुले सहभागी हुन सक्ने छन् । कर्जा लगानी गर्न नसक्दा आन्तरिक ऋण उठाउने प्रयोजनका लागि सरकारले जारी गरेको ट्रेजरी बिलमा बैंक तथा वित्तीय संस्थाहरुले प्रतिस्पर्धा गर्न लागेको हुन् ।

कार्यालयका अनुसार ९१ दिनका लागि जारी गरिएको उक्त टे«जरी बिल २०८३ पुस ७ गते परिपक्व हुुनेछ । बोलकबोलमा सोमबार बिहान ९ बजेदेखि दिउँसो ३ बजेसम्म अनलाइन माध्यमबाट सहभागी हुन पाइनेछ । सोमबार बोलकबोल हुने ट्रेजरी बिल मंगलबार निष्कासन हुने कार्यालयले जनाएको छ ।

पछिल्लो समय ऋण विस्तार हुन नसक्दा बैंकिङ प्रणालीमा तरलता देखिएको छ । बैंकहरुमा तरलता रहे सँगै ट्रेजरी बिलमा मागभन्दा धेरै आवेदन परेका हुन् । बैंकहरुमा तरलता थुप्रिए सँगै ट्रेजरी बिलको ब्याजदर समेत घटेको छ ।
यसअघि भदौ २९ गते ९१ दिन अवधिको ५ अर्बको ट्रेजरी बिलको खरिदका लागि २५ अर्ब ९३ करोड बराबरको बोल परेको थियो । जसको औषत छुटदर १.३४६१ प्रतिशत रहेको थियो । १८२ दिन अवधिको ५ अर्बको ट्रेजरी बिल खरिदका लागि २६ अर्ब १५ करोड रकम बराबरको बोल परेको थियो । जसको औसत छुटदर १.४४५० प्रतिशत रहेको थियो ।