काठमाडौं । नेपाल स्टक एक्सचेञ्ज (नेप्से) मा दुई कम्पनीको सेयरमूल्य समायोजन भएको छ । विकास हाइड्रोपावर र सिटिजन्स बैंकले बोनस सेयर वितरणका लागि बुकक्लोज गरेसँगै दुवै कम्पनीको मूल्य समायोजन गरेको हो ।

विकास हाइड्रोपावरको १० प्रतिशत बोनस सेयर वितरणपश्चात् ५६१ रुपैयाँको आधारमा ५१० रुपैयाँ मूल्यमा समायोजन भएको हो । त्यस्तै, सिटिजन्स बैंकको ३.८० प्रतिशत बोनस सेयर वितरणपश्चात् २११ रुपैयाँको आधारमा २०३।२८ रुपैयाँ कायम भएको छ । अब सोमबार दुवै कम्पनीको कारोबार खुल्नेछ ।