काठमाडौं । अल नेपाल युवा क्लब काठमाडौंले बास्केटबल प्रतियोगिता–२०८१ आयोजना गर्ने भएको छ । क्लबले विजया दशमी तथा शुभ दिपावलीको अवसरमा यही असोज १४ गते प्रतियोगिता आयोजना गर्ने भएको हो ।

“एकता नै विश्वलाई परिवर्तन गर्न सक्ने एक शक्ति हो” भन्ने मुल नाराका साथ युवा र विद्यार्थीहरुलाई खेलकुदको मार्फत जोडने उद्देश्यले प्रथम अल नेपाल अन्डर १९ ब्वाईज बास्केटबल प्रतियोगिता आयोजना गरिने जनाइएको छ । प्रतियोगितामा प्रथम, द्धितिय हुनेलाई क्रमश : २० हजार, १० हजारको साथमा ट्रफि, मेडल र प्रमाण–पत्र प्रदान गरिने अल नेपाल युवा क्लबका अध्यक्ष फुर्वा छिरिङ शेर्पाले जानकारी दिए ।

उक्त प्रतियोगिता काठमाडौंको चावहिल स्थित मनास्लु वल्र्ड क्लेजको प्राङ्गनमा रहेको बास्केटबल कोर्टमा हुने भएको छ । २०७८ मा स्थापना भएको यस युवा क्लब आफ्नो विधान र नियमावलीकम रही समाजसेवा र राष्ट्र प्रेमको भावना सहित कार्य सम्पादन गर्ने एक गैर नाफामुलक संस्था रहेको जनाईको छ । आफ्नो स्थापनाकाल देखि नै समाजमा देखिएको विभिन्न विसंगति र वेतिथि विरुद्ध आफ्नो बुलन्द आवाज राख्दै युवा र विद्यार्थीहरुलाई संगठित गरि आफ्नो माटो र मौलिकता सँग जोडने अठोट यस संस्थाले राख्दै आएको छ ।

नेपालको माटोमा सृजित भाषा, धर्म, कला र संस्कृतिलाई जगेर्ना गरि नाँचगान र सांस्कृतिक कार्यक्रम मार्फत, खेलकुदको विभिन्न खेल मार्फत, सामाजिक जागरण गर्ने किसिमका कार्यक्रम मार्फत र मनोरञ्जनात्मक कार्यक्रम मार्फत यस संस्थाले नवयुवाहरु आकर्षित गरि आफ्नो अस्तीत्व स्थापित गरिरहेको छ ।