काठमाडौं । सोमबार सेयर बजारमा उच्च अंकको गिरावट आएको छ । अहिल्लो दिन पनि उच्च गिरावट भएको बजार आज पनि राताम्य भएर बन्द भएको हो ।

आजको कारोबार बन्द हुँदा सेयर बजार परिसूचक ५७ दशमलव ९९ अंकले घटेर २६३९ दशमलव ९२ विन्दुमा पुगेको छ । यो अघिल्लो दिनको भन्दा २.१४ प्रतिशतले कम हो । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ११ दशमलव १४ अंकले घटेर ४७६ दशमलव २४ विन्दुमा पुगेको छ । आज कारोबार भएका १३ वटै उपसमूहको सेयर मूल्यमा गिरावट आएको छ ।

आज सेयर बजारमा कारोबार भएका कम्पनीमध्ये २२१ कम्पनीको सेयर मूल्य घटेको छ भने २२ वटा कम्पनीको सेयर मूल्य मात्रै बढेको छ ।
परिसूचकसँगै कारोबार रकममा पनि गिरावट आएको छ । अघिल्लो दिन ८ अर्ब भन्दा माथिको कारोबार भएको बजारमा आज ५ अर्ब ९० करोडको कारोबार भएको छ । आज सेयर बजारमा ३१९ कम्पनीका १ करोड ३८ लाख ६३ हजार ४४३ कित्ता सेयर ७२ हजार ४२५ पटक खरिद बिक्री हुँदा ५ अर्ब ९० करोड ७ लाख ९१ हजार ४४ रुपैयाँ बराबरको कारोबार भएको छ ।
आज सेयर बजारमा एक कम्पनीको सेयर मूल्यमा सकारात्मक सर्किट लागेको छ ।