काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले तिहारमा विद्युतको अभाव नहुने बताएका हुन् । विद्युत खपतका लागि पर्याप्त रहेको भन्दै तिहारमा आवश्य पर्ने विद्युत् प्रयोग गर्नका लागि उनले आग्रह गरेका छन् ।

‘तिहारमा खपतको लागि पर्याप्त विद्युत छ । जतिसक्दो बढी विद्युत प्रयोग गर्दा पनि लोडसेडिङ हुँदैन,’ उलने भने । उनले कुनै प्राविधिक समस्याबाहेक लक्ष्मी पूजामा बत्ती नजाने पनि बताए । उनले यो वर्षको तिहारमा मुलुकभित्र पुग्ने विद्युत उत्पादन रहेको भन्दै तिहारको लागि विद्युत आयात गर्नुपर्ने अवस्था नरहेको बताए ।

घिसिङले असोज दोस्रो साता आएको बाढीले ४५६ मेगावाटको माथिल्लो तामाकोशीसहित जलविद्युत आयोजनामा ठूलो क्षति पु¥याएको पनि बताए । उनले अधिकांश जलविद्युत आयोजना नदी प्रवाहमा आधारित रहेका कारण हिउँदमा भने आयात गरेर व्यवस्थापन गर्नुपर्ने अवस्था रहेको बताए ।

उनले अहिले पनि २ हजार १०० मेगावट विद्युत उत्पादन भए पनि घटेर १ हजार ९०० मा झरेको बताए । उनले यो वर्ष बाढी पहिरोका कारण जलविद्युत आयोजनाहरुमा क्षति पुगेका कारण हिउँदमा थप विद्युत आयात गर्नुपर्ने अवस्था रहेको बताए । तर, आयोजनामा भएको क्षतिका कारण लक्ष्मी पुजाका दिन भने विद्युतको अभाव नहुने उनले बताए । तिहारको लक्ष्मी पूजाका दिन सबैभन्दा धेरै विद्युत खपत हुने गरेको छ।

‘बाढी पहिरोबाट क्षति पुगेका आयोजनाहरुको मर्मतका लागि प्राधिकरणले ठूलो रकम खर्च गर्नुपर्ने छ । यति हुँदा पनि हामीलाई पुग्ने विद्युत रहेको छ,’ उनले भने ।