काठमाडौं । प्रभु महालक्ष्मी लाइफ इन्स्योरेन्स लिमिटेडले करिब १ लाख संस्थापक सेयर बिक्रीमा राखेको छ । कम्पनीले संस्थापक समूहको ९८ हजार ४९० कित्ता संस्थापक सेयर बिक्रीमा राखेको हो ।

कम्पनीले विभिन्न ५ जना संस्थापक सेयरधनीहरूको नाममा रहेको सेयर बिक्रीमा राखेको छ । कम्पनीले हाल उक्त सेयर कम्पनीकै अन्य संस्थापक सेयरधनीहरूले मात्रै किन्न पाउने व्यवस्था गरेको छ । सेयर किन्न इच्छुक संस्थापकले ३५ दिनभित्र कम्पनीको केन्द्रीय कार्यालय कमलादी, काठमाडौंमा निवेदन दिनु पर्नेछ ।

तोकिएको म्यादभित्र संस्थापकबाट सेयर खरीदका लागि आवेदन नपरेमा सो सेयर सर्वसाधारणमा बिक्री गरिने कम्पनीले जनाएको छ ।