काठमाडौं । पोखरामा सञ्चालित अन्नपूर्ण केबलकारले कुल ४९ लाख ६० हजार कित्ता सेयर बिक्री खुला गरेको छ। कम्पनीले प्रतिकित्ता १ सय रुपैयाँमा आफ्ना संस्थापक सेयरधनीहरुका लागि चुक्तापुँजीको १ः०.४ अनुपातमा हकप्रद सेयर बिक्री खुला गरेको हो ।

यसमा आगामी ३५ दिनसम्म मात्रै खरीद आवेदन दिन सकिने कम्पनीले जानकारी दिएको छ। इच्छुक सेयरधनीहरूले हकप्रद सेयर बापतको रकम कम्पनीको बैंक खातामा जम्मा गरी सोको भर्पाइ कम्पनीको रजिष्टर्ड कार्यालयमा पेस गर्नुपर्ने छ।