काठमाडौं । यो साता नेपाली बजारमा सुनचाँदीको मूल्य बढेको छ । यो साता सुन तोलामा ६ हजार २०० रुपैयाँ र चाँदी तोलामा ६० रुपैयाँ महंगो भएको हो ।

साताको पहिलो दिन अर्थात आइतबार छापावाल सुन प्रतितोला १ लाख ८४ हजार २०० रुपैयाँमा कारोबार भएको थियो । अन्तिम दिन शुक्रबार सुनको मूल्य १ लाख ९० हजार ४०० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । महास.घका अनुसार साताको दोस्रो दिन सोमबार सुनको मूल्य प्रतितोला ६०० रुपैयाँ बढेर १ लाख ८४ हजार ८०० रुपैयाँमा कारोबार भएको थियो ।

त्यस्तै नेपाली बजारमा मंगलबार स्थिर रहेको सुनको मूल्य बुधबार तोलामा ५ हजार रुपैयाँ बढेर १ लाख ८९ हजार ८०० रुपैयाँमा कारोबार भएको थियो । त्यस्तै, बिहीबार तोलाको १ लाख ९१ हजार ५०० रुपैयाँमा कारोबार भएको थियो । कारोबार हुने अन्तिम दिन शुक्रबार भने १ हजार १०० रुपैयाँ घटेर १ लाख ९० हजार ४०० रुपैयाँमा कारोबार भएको थियो ।
त्यस्तै यो साता चाँदीको मूल्य पनि तोलामा ६० रुपैयाँले बढेको छ । साताको पहिलो दिन आइतबार तोलाको १ हजार ९४५ रुपैयाँमा कारोबार भएको चाँदीको मूल्य शुक्रबार २ हजार ५ रुपैयाँ पुगेको हो ।