काठमाडौं । सानिमा मिडिल तमोर हाइड्रोपावर लिमिटेडले दशौं वार्षिक साधारण सभा असोज २९ गते बुधबार गर्ने भएको छ। कम्पनीको सञ्चालक समितिको भदौ ३० गतेको बैठकले उक्त मिति तय गरेको हो।

सभा बिहान ११ बजे काठमाडौं महानगरपालिका–४, चण्डोलस्थित कुण्डलिनी दरबार ब्याङ्क्वेटमा आयोजना गरिनेछ। सभाले सञ्चालक समितिबाट प्रस्तुत दशौं वार्षिक प्रतिवेदनमाथि छलफल गरी अनुमोदन गर्नेछ। साथै, आर्थिक वर्ष २०८१/८२ को लेखापरीक्षण प्रतिवेदनसहित २०८२ आषाढ मसान्तसम्मको वित्तीय विवरण, नाफा–नोक्सान हिसाब, नगद प्रवाह विवरण र सम्बन्धित अनुसूचीहरू पनि प्रस्तुत गरिनेछ।

सभाले लेखापरीक्षण समितिको सिफारिसअनुसार आर्थिक वर्ष २०८२/८३ का लागि लेखापरीक्षक नियुक्त गर्ने र उनको पारिश्रमिक निर्धारण गर्नेछ। साथै, एक जना स्वतन्त्र सञ्चालक नियुक्त गर्ने प्रस्तावमाथि पनि निर्णय लिइने कम्पनीले जनाएको छ।