काठमाडौं । म्यानचेस्टर सिटीले च्याम्पियन्स लिगमा विजयी सुरुवात गरेको छ । सिटीले नापोलीलाई २–० ले पराजित गरेको हो ।

सिटीका लागि पहिलो गोल ५६ औँ मिनेटमा एर्लिङ हालान्डले गरे । योसँगै च्याम्पियन्स लिगमा हालान्डको ५० गोल पूरा भएको छ । दोस्रो गोल ६५औँ मिनेटमा जेरमी डोकुले गरे ।

त्यस्तै अन्य खेलमा बार्सिलोनाले न्युक्यासल युनाइटेडलाई २–१ ले हरायो । बार्सिलोनाका लागि मार्कस राशफोर्डले ५८औँ र ६७औँ मिनेटमा गोल गरे भने न्यूक्यासलका एन्टोनी गोर्डनले ९०औँ मिनेटमा एक गोल फर्काए ।

त्यस्तै अर्को खेलमा पोर्चुगिज क्लब स्पोर्टिङ सिपीले घरेलु मैदानमा काइराट आल्माटीलाई ४–१ ले पराजित ग¥यो । जर्मन क्लब फ्रान्कफर्टले गलातासारेमाथि ५–१ को फराकिलो जित निकाल्यो ।

डेन्मार्कमा एफसी कोपेनहेगन र बायर लेभरकुसेनबीचको खेल २–२ को बराबरीमा टुंगियो । बेल्जियमको क्लब ब्रुगले मोनाकोलाई ४–१ ले हराउँदै प्रतियोगितामा बलियो सुरुवात ग¥यो ।