काठमाडौं । वेष्टइण्डिज विरुद्धको तेस्रो तथा अन्तिम खेलमा नेपाल टस हारेर पहिले ब्याटिङ गर्ने भएको छ । यस अघिनै सिरिज जितिसकेको नेपालले आजको खेलमा वेष्टइण्डिजले टस जितेर पहिले बलिङ गर्ने निर्णय गरेपछि नेपालले पहिले ब्याटिङ गर्ने भएको हो ।

अन्तिम खेलमा नेपालले टोलिमा तीन परिवर्तन गरेको छ । ओपनर आशिफ शेखको स्थानमा लोकेश बम, दिपेन्द्र सिंह ऐरिको स्थानमा आरिफ शेख र ललितराजबंशीको स्थानमा साहब आलम टिममा परेका छन् ।

यो सिरिजमा लगातार दोस्रो जित निकाल्दै नेपलले आईसीसीको पूर्ण सदस्य राष्ट्र विरुद्ध पहिलो पटक सिरिज जितको छ । आजको खेलमा जित निकाल्न सकेको खण्डमा क्लिनस्वीपको इतिहास समेत बनाउने छ ।

सोमबार भएको दोस्रो खेलमा ९० रनको फराकिलो जित सहित एक खेल अगावै नेपालले सिरिज जितिसकेको छ । पहिलो खेलमा पनि नेपाल १९ रनले विजयी भएको थियो ।