काठमाडौं । सागर डिष्टिलरी लिमिटेडको सामूहिक लगानी कोषहरूका लागि छुट्याइएको ७२ हजार ६०० कित्ता सेयरको लकइन अवधि चैत ११ गते सकिंदैछ । आईपीओ निष्काशन गरी सर्वसाधारणलाई बाँडफाँड गरेको मितिले ६ महीनासम्म सामूहिक लगानी कोषहरूका लाग छुट्याइएको सेयर लकइनमा राख्नु पर्ने प्रावधान रहेको छ । सोही प्रावधान बमोजिम उक्त सेयर हालसम्म लकइनमा रहेको छ ।

कम्पनीले आईपीओ निष्काशन गर्दा सर्वसाधारणलाई निष्काशन तथा बिक्री खुला गरिएको सेयरमध्ये ५ प्रतिशतले हुन आउने ७२ हजार ६०० कित्ता सेयर सामूहिक लगानी कोषहरूलाई बाँडफाँड गरेको थियो । त्यसको लकइन अवधि आउँदो चैत ११ गते सकिनेछ भने चैत १२ गतेदेखि धितोपत्र दोस्रो बजारमा सो सेयर किनबेच गर्न सकिनेछ ।