काठमाडौँ। साताको सेयर कारोबार हुने दोस्रो दिन सोमबार सेयर बजारमा सामान्य सुधार भएको छ । अघिल्लो दिन उच्च अंकको वृद्धि भएको बजारमा आज भने ५.०१ अंकको सधार भएको हो ।

आजको कारोबार बन्द हुँदा नेप्से परिसूचक २९३६.५६ विन्दुमा पुगेको छ । आज सेयर बजारमा १०२ कम्पनीको सेयर मूल्य बढेको छ भने १५४ कम्पनीको सेयर मूल्य घटेको छ । आज ८ कम्पनीको सेयर मूल्य भने स्थिर रहेको छ । आज सेन्सेटिभ इन्डेक्स भने ०.२८ अंकले घटेर ५०५.०२ विन्दुमा पुगेको छ ।

आज सेयर बजारमा १३ मध्ये ६ वटा उपसूचकको सेयर मूल्य घटेको छ भने ७ वटाको बढेको छ । आज परिसूचक सामान्य बढे पनि कारोबार रकम भने घटेको छ । अघिल्लो दिन २३ अर्ब माथिको कारोबार भएको बजारमा आज भने १५ अर्ब माथिको मात्रै कारोबार भएको छ ।

आज सेयर बजारमा ३४२ कम्पनीका ३ करोड ८० लाख ७३ हजार ९४५ कित्ता सेयर १ लाख ५६ हजार ३८१ पटक खरिद बिक्री हँदा १५ अर्ब ७८ करोड ६३ लाख १३ हजार ४४० रुपैयाँको कारोबार भएको छ । आज सेयर बजारमा ६ कम्पनीको सेयर मूल्यमा सकारात्मक सर्किट लागेर कारोबार भएको छ ।