काठमाडौं । एपोलो हाइड्रोपावर लिमिटेडले सर्वसाधारणका लागि निष्कासन गरेको प्राथमिक सेयरमा लगानीकर्ताहरूको उल्लेख्य सहभागिता देखिएको छ । निष्कासन तथा बिक्री प्रबन्धक हिमालयन क्यापिटलका अनुसार अन्तिम दिनसम्म कम्पनीको आईपीओमा मागभन्दा झन्डै ४२ गुणा बढी आवेदन परेको हो ।

कम्पनीले कुल ७ लाख ८० हजार २०० कित्ता सेयर सर्वसाधारणका लागि बिक्री खुला गरेकोमा २८ लाख ७५ हजार ३७२ जना आवेदकबाट कुल ३ करोड २७ लाख ३२ हजार ९३० कित्ताका लागि आवेदन परेको छ । यो माग गरिएको कुल कित्ताको तुलनामा ४१.९५ गुणा बढी हो । यस आवेदनमार्फत कुल ३ अर्ब २७ करोड ३२ लाख ९३ हजार रुपैयाँ संकलन भएको छ ।

मागभन्दा निकै बढी आवेदन परेका कारण धितोपत्र बाँडफाँट निर्देशिका अनुसार यो आईपीओ गोलाप्रथाबाट बाँडफाँट हुनेछ । यस प्रक्रियाबाट कुल आवेदकहरूमध्ये भाग्यमानी ७८ हजार २० जनाले मात्रै १० कित्ताका दरले शेयर प्राप्त गर्नेछन् भने बाँकी २७ लाख ९७ हजारभन्दा बढी आवेदकको हात खाली हुने देखिएको छ ।