काठमाडौं । छिमेक लघुवित्त वित्तीय संस्था लिमिटेडले ६९ हजार कित्ता संस्थापक सेयर लिलामीमा राखेको छ । कम्पनीले सबैले किन्न पाउने गरी सेयर लिलामीमा राखेको हो ।

सेयरको प्रतिकित्ता न्यूनतम मूल्य ४४५ रुपैयाँ तोकिएको छ । सेयर खरीदका लागि गोप्य शिलबन्दी बोलपत्र पेश गर्दा न्यूनतम ५ हजार कित्ताका लागि र अधिकतम सम्पूर्ण कित्ता माग गर्न सकिनेछ ।

बोलपत्र आज वैशाख १० गतेदेखि वैशाख २१ गते बैंकिङ्ग समयभित्र पेश गरिसक्नु पर्नेछ । बोलपत्र फाराम काठमाडौंको थापाथलीस्थित एनआईसी एशिया क्यापिटल लिमिटेडको कार्यालयमा प्राप्त गर्न र बुझाउ सकिनेछ ।