काठमाडौं । आईसीसी क्रिकेट लिग २ अन्तरगत युएई विरुद्धको खेलमा नेपालले रोमाञ्जक जित निकालेको छ । नेपालले युएईलाई ६ रनले पराजित गरेको हो ।
पानी परेपछि ३८ ओभरमा छारिएको खेलमा युएईलाई २५५ रनको लक्ष्य दिइएको थियो । ३८ ओभरमा युएईले ८ विकेट गुमाएर २४८ रन बनाएयो । उसका लागि मोहम्मद शाहदादले ६५ रन बनाए । त्यस्तै खुजाइमा तनवीर पनि ४९ रनको योगदान दिए । त्यस्तै हरप्रीत सिंह भाटियाले ४१ रन बनाए भने अक्षदीप नाथले ३६ रन बनाए ।
युएईलाई लक्ष्यमा पुग्नबाट रोक्नेक्रममा नेपालका सन्दीप लामिछानेले ३ विकेट लिए । त्यसतै नन्दन यादब र सोमपाल कामीले समान २ विकेट लिए । टस जितेर पहिले ब्याटिङ गरेको घरेलु टोलि नेपालले निर्धारीत ओभरमा ७ विकेट गुमाएर २८९ रन बनाएको थियो । पानी परेपछि खेल ३८ ओभरमा झारिएको थियो । नेपालका लागि उपकप्तान दीपेन्द्र सिंह ऐरीले शतक प्रहार गरेका छन् । उनले टोलिका लागि १०० रनको पारी खेले ।
त्यस्तै ओपनर विनोद भण्डारीले पनि टोलिका लािग ५६ रनको अर्धसतक प्रहार गरे । गुल्सन झाले टोलिका लागि ४४ रन बनाए भने कप्तान रोहित पौडेलले ३९ रनको योगदान दिए । आजको खेलबाट अन्तराष्ट्रिय क्रिकेटमा डेब्यु गरेका अर्जुन कुमाले भने ११ रन मात्रै बनाए । युएईका लागि अजय कुमार र जुनेद सिद्धिकीले समान २ विकेट लिए । त्यस्तै हैदर अलीले एक विकेट लिए ।